ВИДЕО: Ферари го промовираше болидот за новата Ф1 сезона!
Тимот на Ферари последен го направи претставувањето на новиот Ф1 болид за 2021 година, кој го именуваа како „СФ21“ и со кој се надеваат дека ќе го поправат разочарувачкиот минатогодишен пласман во пласманот на конструкторите кога завршија на шестото место.
Ферари имаше многу лоша сезона, најлоша од 1980 година кога беа десетти на рангирањето на конструкторите.
А за новата Ф1 сезона во 2021 година подготви комплетно нова погонска единица што беше најголема слабост на претходникот „SF1000“, но и темелно редизајниран аеродинамичен пакет и распоред на внатрешни компоненти погонски единици.
#Tifosi, meet the #SF21 ?#essereFerrari ? pic.twitter.com/6w9xOQoCsg
— Scuderia Ferrari (@ScuderiaFerrari) March 10, 2021
Носот е доработена верзија на минатогодишниот болид со модифицирани странични канали, а Ферари на задниот крај од новиот „SF21“ користи и нова нијанса на бургунд-црвена боја која ја користеја и на минатогодишната Голема награда на Тоскана во Муџело кога ја прославија 1000 трка во Формула 1.
Партнерството на Ферари со Филип Морис, кој е присутен на Ф1 болидите на Ферари од 2018 година под слоганот „Mission Winnow“, донесе и светло зелена боја на логото на „MW“ на капакот на моторот кој досега беше бел.
Главните возачи на Ферари за новата натпреварувачка сезона ќе бидат Шарл Леклер и Карлос Сајнц.