Поранешниот француски претседател Никола Саркози утрово почна да ја отслужува затворската казна, а емотивно го испратија неговата сопруга Карла Бруни и нивната ќерка Џулија.

Емотивни сцени се одвиваа утрово пред парискиот затвор „Ла Санте“. Поранешниот француски претседател Никола Саркози почна да ја отслужува петгодишната затворска казна за скандал со финансирање на Либија, а беше трогателно испратен од неговата сопруга, пејачката и поранешна манекенка Карла Бруни и нивната 11-годишна ќерка Џулија, пишува „Дејли мејл“.

@parismatch Nicolas Sarkozy, accompagné de sa femme Carla Bruni et accueilli sous les applaudissements, est en route pour la prison de la Santé. #sinformersurtiktok #onregardequoi #carlabruni #sarkozy ♬ original sound – Paris Match

Саркози го напушти домот држејќи ја Карла цврсто за рака, а по него следеа стотици поддржувачи кои го скандираа неговото име и ја пееја француската химна.

Парот застана пред толпата – ги поздравија и им се заблагодарија за поддршката, а потоа поранешниот претседател влезе во автомобилот што го однесе во затвор. Карла Бруни, во темно палто и со солзи во очите, не ги криеше своите емоции и остана покрај својот сопруг сè до моментот кога тој замина за затвор.

@parismatch #carlabruni #sarkozy #onregardequoi #sinformersurtiktok #prison ♬ son original – Paris Match

Според француските медиуми, Саркози ќе биде сместен во посебен дел од затворот, наменет за затвореници на кои им е потребна дополнителна заштита. Тој нема да добие никаков преференцијален третман, а можно е да биде изолиран од другите затвореници.