Барселона во спектакуларно финале на шпанскиот Суперкуп, одиграно во саудискиот град Џеда, го совлада Реал Мадрид со 3-2, а каталонскиот гигант натпреварот го заврши со играч помалку поради директниот црвен картон што во судиското продолжение го доби капитенот Френки де Јонг.

Холандскиот репрезентативец стартуваше со лизгачки старт на средината од теренот и го собори Килијан Мбапе, а главниот судија Хозе Луис Мунуера Монтеро без двоумење му покажа директен црвен картон, оценувајќи дека ногата му била подигната премногу високо.

Во меѓувреме, шпанската судиска комисија објави видео-снимка што открива како изгледа ваков голем натпревар од перспектива на главниот судија. Освен ексклузивниот „поглед зад сцената“ преку очите на Монтеро, Шпанците демонстрираа и дополнителна транспарентност околу случувањата на „Ел Класико“.

Јавноста доби можност да ја слушне и комуникацијата меѓу главниот судија и ВАР-собата, како и разговорите што Монтеро ги води со најголемите фудбалски ѕвезди за време на еден од најголемите дерби-дуели во светот. Видеото открива дека веднаш по опасниот старт на Де Јонг врз Мбапе, од ВАР-собата се слушнало гласно: „Црвен, црвен!“.

Набрзо потоа, преку микрофонот на главниот судија се слуша и обраќањето кон холандскиот фудбалер: „

Френки, направи таков фаул што самиот си додели црвен картон. Влезе со високо подигната нога, тоа е јасно.“