ВИДЕО | Добра идеја или лудост? Инфлуенсер дал 860 евра за чоколадно јајце, па разгневи многумина
Познат инфлуенсер и рецензент на храна се најде на мета на жестоки критики откако потроши 750 фунти (околу 866 евра) на велигденско јајце од престижната стоковна куќа „Harrods“. Иако тој не штедеше пофалби за вкусот, многумина веднаш забележаа дека потрошил голема сума на пари.
Препорачано
Бидејќи Велигден се ближи, многумина веќе ги обезбедија резервите со чоколадни задоволства. Но, за оние со навистина голем буџет, „Harrods“ нуди јајце кое инфлуенсерот Карми Селито го опиша како „остварување на сонот“.
Јајце од еден килограм рачно изработена чоколада
Карми Селито неодамна купи велигденско јајце кое го чинеше повеќе отколку што повеќето семејства трошат за месечна набавка на намирници. Јајцето потекнува од новиот штанд „Marchesi 1824“, именуван по познатата слаткарница од Милано. Селито објасни дека сите чоколади што се продаваат таму се рачно изработени, што делумно ја оправдува екстремно високата цена.
@touchdalight i can’t believe i spent £750 on this 😂 #harrods #foodreview ♬ original sound – carmie sellitto
Јајцето, тешко точно еден килограм, има нежна глазура и сложен дизајн со златни круни и линии врз темната чоколада.
„Ова е ѕвер. Морам да бидам многу внимателен бидејќи е вистинско ремек-дело. Погледнете ги деталите, ова ќе влезе во историјата“, изјави Карми додека внимателно го држеше јајцето.
„Ова е најдоброто нешто што сум го пробал“
Неговото воодушевување не стивна ниту кога конечно го вкуси скапоцениот десерт.
„Зедов само неколку парчиња, а чоколадата е веќе неверојатна. Има вкус како најскапата чоколада што сум ја пробал во животот, веројатно затоа што и е. Без двоумење му давам чиста 10-ка“, изјави тој.
Жестоки реакции: „Изгледа евтино, а чини колку една кирија“
Сепак, неговите следбеници воопшто не беа импресионирани. Напротив, во коментарите многумина беа бесни поради неговата реакција, сметајќи дека целосно игнорирал еден клучен детал.
„За 750 фунти внатре нема апсолутно ништо, тоа е лудост“, напиша еден корисник. Друг додаде: „Премногу пари, а никаква смисла. Типот се лаже самиот себе, сигурно е просечно“.
Најголемиот дел од критиките беа насочени кон социјалната нечувствителност на ваквиот потег:
„Тоа е месечна кирија. Со тие пари едно петчлено семејство може да живее цел месец. Нема никаква логика да се потрошат толку пари на велигденско јајце кое згора на сè изгледа и евтино“
