Деветгодишниот Теодор Зајдер од Полска постави нов светски рекорд во составување Рубикова коцка, откако стандардната 3x3x3 коцка ја состави за неверојатни 2,76 секунди.

Рекордот беше поставен во неделата на натпревар во брзо решавање на коцка („speedcubing“) во северниот полски пристанишен град Гдањск, пренесува „ТВП Ворлд“ (TVP World). Со овој резултат, Зајдер стана првата личност која официјално решила класична Рубикова коцка за помалку од три секунди, што беше потврдено од Светската асоцијација за Рубикова коцка.

Претходниот рекорд го држеше седумгодишниот Кинез Суангји Генг, кој минатата година коцката ја реши за 3,05 секунди.

И покрај тоа што има само девет години, Зајдер веќе е меѓу најдобрите во светот на „спидкјубинг“, натпреварувајќи се на домашни и меѓународни турнири против значително повозрасни конкуренти.

Досега има освоено 68 златни медали, а ова не му е прв светски рекорд. Во ноември 2023 година постави глобален рекорд и во дисциплината 2x2x2 коцка, со време од само 0,43 секунди.