Шпанскиот мотоциклист Марк Маркез уште еднаш покажа зошто е еден од најдобрите откако и покрај проблемите на квалификациите успеа да ја освои пол-позицијата за трката во Унгарија.

Маркез имаше незгоден момент на самиот почеток од вториот квалификациски сегмент кога излета од патеката во првата кривина. Сепак, тоа не го спречи подоцна да постави најбрзо време од 1:36.785 и да го обезбеди најдоброто стартно место за утрешната трка.

Зад него заврши неговиот сонародник Педро Акоста, кој заостана 53 стотинки, додека третото место му припадна на Фермин Алдегер.

DRAMA AT TURN 1 😱@marcmarquez93 and @fabiodiggia49 have CRASHED SEPARATELY 🤯#HungarianGP 🇭🇺 pic.twitter.com/ECXgQ54yQj

— MotoGP™🏁 (@MotoGP) June 6, 2026

Успехот на Маркез добива уште поголема тежина ако се земе предвид дека пред само еден месец беше подложен на операција на рамото по повредата што ја заработи во Ле Ман. Поради тоа постоеја сомнежи дали воопшто ќе настапи во Унгарија, но искусниот Шпанец брзо се рехабилитираше и стигна до својата 76-та пол-позиција во кариерата.

Во вториот стартен ред ќе се најде Фабио Ди Џанантонио, кој исто така имаше проблеми за време на квалификациите, додека меѓу водечките е и Франческо Бањаја.

Главната трка е закажана за утре со почеток во 14 часот.