Владата на Чешка ја поддржала полициската акција, нагласувајќи дека не станува збор за „чешки Флојд“, откако се појави видео од полицаец кој држи колено на рамената и вратот на Ром, кој подоцна починал, објави Би-Би-Си.

Здруженијата на Ромите биле шокирани од видеото снимено од прозорец во северозападниот град Теплице во саботата.

Тројца полицајци го опколиле човекот за да го уапсат. Неколку минути подоцна човекот лежел неподвижен на тротоарот.

„Нема Чешки Флојд“, објави полицијата, отфрлајќи ги наводите што се појавија на социјалните мрежи.

Припадниците на ромската заедница ја споредија ситуацијата со смртта на афроамериканецот Џорџ Флојд, кој почина откако полицаец седеше со колено врз вратот повеќе од девет минути во Минеаполис во мај 2020 година.

Чешката полиција наведува дека употребата на сила била неопходна затоа што човекот бил агресивен.