ВИДЕО: Барди и Трабзонспор триумфираа над Црвена звезда, прв гол на Роналдо во Лига Европа
Денеска во второто коло од групната фаза во Лигата на Европа составот на Трабзонспор дома со 2:1 славеше над Црвена звезда.
Турците водеа по првото полувреме со голот на Марек Хамшик во 16 минута, а асистентот на тој погодок Трезеге го постигна вториот гол за домаќините.
Од 61 минута настапи македонскиот репрезентативец Енис Барди како замена за Хамшик, а 120 секунди подоцна српскиот шампион остана без еден играч на теренот поради двата жолти картони на Кингс Кангва.
Единствениот гол белградските „црвено-бели“ го запишаа во 89 минута преку Вељко Николиќ по асистенцијата на Ибрахим Мустафа.
Кристијано Роналдо го запиша својот прв гол и во второто по квалитет европско клупско натпреварување во гостинската победа на Манчестер јунајтед против Шериф Тираспол (0:2).
Cristiano Ronaldo has scored 699 career goals at club level ⚽️
He now has his first in Europa League competition…#UEL pic.twitter.com/sQ2oLp88EA
— Football on BT Sport (@btsportfootball) September 15, 2022
Португалецот стрелаше прецизно од пенал во 39 минута за зголемување на водството, а претходно во 17 минута мрежата на Молдавците ја затресе Џејдон Санчо, а асистент беше Данецот Кристијан Ериксен.
Лига Европа
2. коло, резултати –
Феенорд – Штурм Грац 6:0
Митјиланд – Лацио 5:1
Монако – Ференцварош 0:1
Олимпијакос – Фрајбург 0:3
Карабах – Нант 3:0
Реал Сосиедад – Омонија 2:1
Шериф Тираспол – Манчестер јунајтед 0:2
Трабзонспор – Црвена звезда 2:1