Вечерва во 11 коло од најсилното шпанско првенство составот на Леванте ремизираше на домашен терен против Атлетико Мадрид со резултат 2:2.

Целиот меч за Леванте го одигра македонскиот репрезентативец Енис Барди кој со два гола го спаси клубот од нов пораз оваа сезона во „Ла Лига“.

„Јорганџиите“ водеа од 12 минута со голот на Гризман а во 37 минута од пенал израмни Барди, за негов прв погодок сезонава во првенството.

Гостите се вратија во минимална предност во 76 минута преку Куња, истата не успеаја да ја задржат бидејќи Барди повторно стрелаше од белата точка во 90 минута за поставување на конечниот епилог.

Тоа што не е добро за составот од Валенсија е што и натаму не знае за триумф во шампионатот, се наоѓа во опасната зона за испаѓање на претпоследната 19 позиција со шест бодови.

Претходно Гранада ремизираше со Хетафе (1:1), а Реал Сосиедад со гостинскиот триумф над Селта Виго (0:2) моментно е на првото место со 24 бодови.