Македонската сениорска репрезентација успеа да се пласира во главните квалификации за учество на Светското првенство 2023 година.

Иако беа убедливо поразени од Словачка на последниот дуел во СЦ „Јане Сандански“ – Скопје, избраниците на селекторот Драган Бајиќ благодарение на победите од 69:47 во првиот меч со Словаците и победата од 67:61 над Швајцарија ја остварија целта и го освоија првото место во групата.

Нашата селекција пред жрепката која ќе се одржи на 31 август се наоѓа во последниот осми шешир заедно со Шведска, Португалија и Словачка.

Бајиќ беше свесен дека во овие претквалификации ќе играме ослабени без стандардните првотимци, знаеше дека ќе има добри и лоши моменти во текот на натпреварите.

На мечот со Словачка во еден тајм-аут кој го повика Бајиќ им викаше на репрезентативците поради лошата игра.

– Немате памет за овој спорт! Ало, ти немаш памет, дали ти е јасно. Каков мозок може да го стори тоа. Каков е овој шут. Не сакам да играш за поени, кој си ти, ало! Никој не игра одбрана! Што правиш, те прашувам – Бајиќ им викаше на своите избраници.

Бајиќ: Лош впечаток за крај, но ја остваривме целта, ова е историски за македонската кошарка