Словачка беше подобра денеска на затворањето на турнирот во СЦ „Јане Сандански“ – Скопје (88:72), но имаме најдобра кош-разлика во групата „Ф“, и успеавме да го освоиме првото место.

На последниот натпревар од претквалификациите за пласман на Светскиот Куп 2023, Словачка, победи, заслужено, но имавме доволна залиха да го одбраниме првото место во оваа конкуренција кое води кон планираната цел – настап во главните квалификации како последна пречка за настап на Мундобаскетот.

На денешниот меч најефикасни во нашите редови беа Николов со 17 поени и Крстевски со 15, а на спротивната страна Фусек реализираше 23.

Пласман во квалификациите веќе обезбедија селекциите на Летонија и Белорусија кои се дел од групата „Д“. Од групата „Ц“ добитна комбинација имаат Португалија и Шведска, а од групата „Е“, Црна Гора и Исланд.

ПОБЕДНИЦИ НА ПРЕТКВАЛИФИКАЦИИТЕ ЗА СК 2023

Португалија

Шведска

Летонија

Белорусија

Црна Гора

Исланд

Македонија

Словачка