Фудбалерите на Баерн Минхен славеа со 4:1 против Гројтер Фирт и тоа по пресврт во рамки на 23 коло во Бундеслигата.

Баварците кои во минатото коло примија четири гола за едно полувреме од Бохум, не блескаа ниту денеска во првиот дел. Иако имаа иницијатива против последнопласираниот тим на табелата, не упатија ниту еден шут во рамките на голот.

Згора на тоа, баварците во првото полувреме примија гол, водство на Гројтер Фирт му донесе шведскиот напаѓач Бранимир Хргота во 43. минута.
Случувањата на теренот на „Алијанц“ Арената беа сосема спротивни во второто полуреме. По само две минути игра во вториот дел, Роберт Левандовски израмни на 1:1.

Баерн продолжи да доминира и офанзивната игра вроди со плод во 62. минута кога Грисебек си постигна автогол.

Во последните десет минути од натпреварот, Баерн постигна уште два гола, прво Левандовски во 82 минута зголеми на 3:1, а резервистот Ерик Чупо-Мотинг во судиското продолжение го постави конечниот резултат.