Кошаркарите на МЗТ Скопје Аеродром не ја остварија целта сезонава да се вратат во елитната АБА лигата.

Во саботата играчите предводени од тренерот Васко Атанасов на реваншот од полуфиналето во АБА 2 лигата загубија убедливо од Спартак Суботица.

По завршувањето на натпреварот, стратегот на актуелниот македонски шампион кажа дека не беше задоволен од перформансите на неговиот тим на возвратниот дуел во Србија.

– Ова беше нашата најлоша партија во АБА 2 лигата. На натпреварот во Скопје немав забелешки, но овде изгледавме многу лошо, без енергија. Му честитам на Спартак и му посакувам успех во финалето – рече Атанасов.

Сезонава имаме српско финале во АБА 2 лигата, Спартак Суботица ќе игра против Војводина која во полуфиналната фаза ја елиминираше Подгорица од Црна Гора.