Во првиот натпревар од осминафиналето во Лигата на шампионите, фудбалерите на Баер Леверкузен денеска одиграа нерешено 1:1 со Арсенал на домашен терен.

Немаше многу возбудувања во првите 45 минути, двата тима имаа само еден удар во рамките на голот, Арсенал имаше малку повеќе посед на топката, додека Баер имаше поголем вкупен број обиди, вкупно шест, а гостите од Лондон имаа три.

Најдобрата шанса во првото полувреме се случи во 19 минута, кога напаѓачот на Арсенал, Габриел Мартинели, ја погоди пречката по асистенцијата на Ѓекереш.

Германскиот тим прв стигна до предност, откако на самиот почеток од второто полувреме, во 46 минута, капитенот на домашниот тим, Роберт Андрих, најдобро се снајде по корнер и со глава ја испрати топката во мрежата на гостинскиот голман.

Иако се очекуваше голема офанзива на Арсенал од тој момент, момците на Микел Артета не го загрозија сериозно противничкиот гол сè до 88-тата минута, кога Каи Хаверц постигна гол од пенал, откако Тилман претходно го фаулираше Мадуеке.

Реваншот помеѓу Арсенал и Баер Леверкузен ќе се игра на 17 март на стадионот „Емирати“ во Лондон.