Дали знаевте дека вервериците се едни од најзаслужните „работници“ за обновување на природата, иако тоа го прават сосема несвесно? Секоја сезона, овие вредни животинчиња кријат стотици ореви и лешници за да се подготват за зимата, но природата има поинаков план за нивната резерва.

Истражувањата покажуваат дека вервериците успеваат да пронајдат само околу 50 отсто од храната што ја закопале. Останатите 50 отсто остануваат заборавени под земјата. Токму тие „изгубени“ плодови, благодарение на влагата и почвата, почнуваат да ртат.

Случајни садачи на дрвја

На овој начин, вервериците стануваат „виновници“ во ширењето и регенерацијата на шумите. Секое заборавено лешниче или желад е потенцијално ново дрво. Без овој нивен мал „пропуст“ во меморијата, многу шуми не би можеле толку ефикасно да се шират и да се обновуваат.

Следниот пат кога ќе видите верверица како брза со орев во устата, знајте дека можеби токму таа го сади дрвото под кое ќе седите во иднина.