Ако поради некоја причина повеќе сакате да се бричите отколку да ги депилирате нозете, потребно е да го знаете овој трик.

Едно од се попопуларните кујнски намирници во служба на убавината последниве години е маслиновото масло, кое е особено корисно за нега на кожата затоа што не ги затнува порите и е сосема природно.

Најпозитивната страна за употреба на маслиновото масло при бричењето е тоа што сигурно нема да имате локален осип по отстранувањето на влакната и дополнително на тоа, маслиновото масло ќе има корисен ефект врз кожата. 

Исто така, маслиновото масло содржи антиоксиданти кои имаат антиинфламаторно дејство, па додека ја изложувате кожата на стрес како што е бричењето, истовремено и ќе го потхранувате вашето тело со хранливи материи.

Имајте на ум дека едната рака треба да остане сува за да не ви се лизне вашиот брич, а со другата треба да нанесете маслиново масло на вашата кожа. Ќе бидете воодушевени од резултатот – мазна, блескава и мека кожа!