Венчани се, не живеат заедно, а функционираат одлично: Гвинет Палтроу прослави две години брак со сопругот! (ФОТО)
Само два дена откако наполни 48 години славната актерка има уште една причина за славење…
Холивудската актерка Гвинет Палтроу (48) и нејзиниот сопруг продуцент и режисер Бред Фалчук (49) прославија вчера две години од бракот.
Пандемијата на коронавирусот му попречи на парот годишнината да ја прослави како што доликува, па наместо вечера во ресторан и прослава, тие се одлучија за уживање во природата и чист воздух.
„Втората година, протуркана“, напиша актерката во описот на заедничката слика.
Гвинет Палтроу и Бред Фалчук го изговорија судбоносното „да“ во тајност на 29-ти септември во 2018 година, а церемонијата беше одржана во раскошната вила во Хемптонс во круг од 70 најблиски лица. Поради тоа огромниот имот на кој живее актерката го обезбедуваше голем број на телохранители, со цел љубопитните да не успеат да пријдат.
Деталите од венчавката Гвинет во јавноста ги откри два месеци подоцна.
За овој свечен ден таа носеше венчаница на модната куќа „Валентино“, додека младоженецот носеше „Том Форд“ одело.
По венчавката многу медиуми зборуваа за нивниот неконвенционален начин на живот, а Гвинет во едно интервју откри дека нејзиниот сопруг останува во нејзиниот дом четири ноќи неделно пред да се врати во својот дом.
Гвинет Палтроу за својот љубовен живот изјави:
„На средина на животниот век повторно ја почувствував сета онаа комплексност на љубовта. Таа ме зема, а јас само се предадов. Не само затоа што верувам дека во Бред Фалчук пронајдов човек со кој сум среќна туку и поради тоа што тој ја придвижи мојата душа и ми покажа дека интимата, и покрај моите деца, можам повторно да ја делам со маж, без страв од повредување“.
Оскаровката и продуцентот се запознаа во 2010 година, а во врска се од август 2014 година, а се верија на почетокот на 2018 година. Пред Бред, Гвинет беше во брак со музичарот Крис Мартин, со кој има ќерка и син.