Вавринка не размислува да игра на УС Опен: Условите во Њујорк се невозможни
Трикратниот грен слем шампион, Станислас Вавринка се наоѓа пред откажување на евентуалното учество на грен слем турнирот во САД.
Очекувано, главна причина за отказот на швајцарскиот тенисер е пандемијата на коронавирусот.
– Условите во западниот дел од светот се невозможни. Откажувањето на турнирот во Вашингтон предизвика големи сомнежи во главите на тенисерите – изјави Вавринка.
Швајцарецот се наоѓа во Нион и се подготвува за продолжение на сезоната и турнирите на зејмена подлога, што значи дека ќе остане во Европа.
– Не сакам да одам во САД под овие услови, поради ситуацијата со корнавирусот. Њујорк е меѓу најпогодените градови од коронавирусот, а редоследот на турнири по УС Опен ќе биде тежок. Доколку се одржеше турнирот во Вашингтон ќе имавме вистинска турнеја која ќе влијаеше на мојата одлука. На крајот, сите мои сомнежи и неизвесност се поврзани со карантинот – додава Вавринка.