Вајда: Многумина се љубоморни на доминацијата на Новак

EPA-EFE/ANDREU DALMAU

Маријан Вајда веќе 15 години е тренер на Новак Ѓоковиќ и е најзаслужен за сите успеси на српскиот тенисер бидејќи е со тенисерот во освојувањето на сите 20 грен слем титули.

Во последните две години, Вајда не е единствен тренер на Ѓоковиќ, дел од стручниот штаб е и легендарниот хрватски тенисер Горан Иванишевиќ,  и двајцата тренери ги делат обврските на грен слем турнирите. При освојувањето на шестата шампионска титула на Ѓоковиќ на Вимблдон, во тренерската ложа беше Иванишевиќ, но двајцата тренери имаа секојдневна комуникација.

– Ние како тим го делиме секој момент, подготовките, анализите, но не само тоа, ја делиме и страста, приватниот живот со семејствата…Новак е неверојатна личност бидејќи секогаш носи позитивна енергија. На грен слем турнирите, со Горан контактираме секој ден – вели Вајда во интервју за „Спортклуб“.

Словакот исто така вели дека Ѓоковиќ не го заслужува третманот на шампион кај медиумите.
– Многу е компликувано. Медиумите пишуваат што сакаат, можеби имаат некоја цел или сакаат да влијаат на нешто. Никогаш ми изгледа дека пишуваат еднострано и не ја гледаат комплекноста на личноста на Новак. Тој е фантастичен, многу добра и позитивна личност која носи многу добра енергија кај гледачите.
Некогаш луѓето навиваат за аутсајдер бидејќи Новак е толку доминантен и никој не сака да види како повторно победува. Неговата доминација е толку голема да многу луѓе се љубоморни кога гледаат такво совршенство и се прашуваат: Како е возможно, како може толку да победува? Не веруваат дека е возможно – зборува Вајда за „Спортклуб“

Видео на денот