Едноставно и брзо, а така освежувачки и сочно…

Потребно ви е: 6 кори за пита и баклава, 500 гр вишни, 400 мл вода, 400 гр шеќер, 2-3 кругови портокал, ванилин шеќер, 2 јајца, 2 супени лажици шеќер, 100 мл масло, 70 гр гриз, 150 мл јогурт, 10 гр прашок за печиво.

Подготовка: Направете го шербетот. Помешајте ја водата, шеќерот, ванилиниот шеќер и парчињата портокал. Варете 15-20 минути и оставете да се излади. Помешајте ги јајцата, шеќерот, гризот, маслото, јогуртот и прашокот за печиво. Земете една кора и намачкајте ја со филот. Ставете одозгора друга кора и повторете ја постапката. Ставете ја третата кора и на неа ставете ги вишните.

Замоткајте во ролна и ставете на намачкано тавче, па премачкајте со филот. Печете на 190 степени околу 40 минути или додека не добијат златеста боја, на крај прелијте со оладениот шербет.