УЖАС: 11-годишното дете со церебрална парализа, не било искапено една година!

Директорката на Центарот за социјални работи Охрид, Ајтен Мусли, тврди дека малечкиот Илче, единаесетгодишното дете кое синоќа на Детска Клиника по ургенции на министерот за здравство Венко Филипче беше хоспитализирано, не било искапено една година. На прашањето на ,,Слободен печат” дали смета дека институцијата што ја раководи успешно се справи со случајот на 11 годишното момче со церебрална парализа, напуштено од двајцата родители, незгрижено од никого, Мусли одговори негативно.

– Не се справивме успешно. Категорично не. А причината е во тоа што немаме домови. Сите врати на сите домови ни беа затворени. На родителите треба да им се одземе родителското право и за нив да следуваат кривични пријави. Колегите што вчера беа да го видат откако случајот излезе во јавноста, ми кажаа дека детето не било искапено една година. Нас ни пријавија дека мајката го напуштила Илче, а исто и таткото. Веднаш пријавивме во полиција и полицијата ја нашла во струшко село мајката и таа е вратена дома. Станува збор за лице со психички нарушувања. Во меѓувреме баравме домови да го сместиме Илче, но сите врати ни беа затворени, верувајте. Барав во кабинетот да приитснат, зашто мојот глас никако не врвеше. Како може така да се остави дете со церебрална парализа им велев. Во меѓувреме им однесовме еднократна помош, дезинфекциски средства, пелени, но треба соодветно медицинско лице да се грижи во ваков случај. Јас лично се јавував во болници, за да го примат, но не сакаа, заради ковидот. Детето не било искапено една година, ниту мајката ниту никој дома не го сторил тоа и тоа го констатираа социјалните работници кои вчера попладнето отидоа во домот каде што живеат, изјави Мусли за ,,Слободен печат”.

Прочитајте и...  Здравствените установи во Охрид и оддадоа последна почит на почината медицинска сестра (ВИДЕО)

Случајот на Илче го привлече вниманието на властите откако беше објавен во ,,Слободен печат” и на социјалните мрежи, во огласници за ,,купи продај” каде човекот што го чуваше, тврдеше дека не знае каква терапија прима, дека нема никаква терапија за малолетникот и дека со денови детето пие само една чаша млеко дневно.

ПОТРЕСНА ПРИКАЗНА: 11-годишно дете со церебрална парализа оставено без терапија и со чаша млеко во куќа во Охрид

По ова, Министерството за труд и социјална политика, вети згрижување на детето во Демир Капија, но откако ќе биде опоравен и медицински згрижен на Клиниката за детски болести во Скопје.

Со возило на итната медицинска помош, од Охрид за Скопје синоќа Илче беше префрлен на Детската Клиника, а таму медицинска екипа му подготви соба во одделот за изолација, каде ќе биде сместен се додека не бидат готови резултатите од тестот за Ковид 19.

Прочитајте и...  ОЈО ги отфрли кривичните пријави за работењето на ТЕ-ТО

Од Клиниката за детски болести, за ,,Слободен печат” тврдат дека детето било примено со екстремна потхранетост, со контрактури, за медицинска проценка, иследување и третман. Виталните параметри се стабилни.

– Дежурниот тим на Детска клиника ќе направи се за на детето да му овозможи соодветен третман и лекување. Детето е добро и чекаме резултати од ковид. Најверојатно ќе биде тука некое време за да се опорави. Ноќта ја поминало добро и сите биле ангажирани околу него. Чекаме негативен тест за да го сместиме во одделение. Моментално е на ургентен. Бидејќи и порано се лекувал на клиниката, имаме цела историја на болеста и знаеме како да постапиме, велат од Детска Клиника.

Министерот за здравство Венко Филипче, по објавата на сторијата на Слободен печат лично се заинтересира и испрати екипа на Брза помош да го земе момчето со претходна согласност од оние што го чуваат, за да му бидат извршени сите медицински прегледи кои му се неопходни на Клиниката за детски болести во Скопје.

11-годишното момче со возило на итната помош и со ургенции на Филипче се префрла на Детска Клиника во Скопје

Министерството за труд и социјална политика во текот на денот извести дека детето е згрижено во мал групен дом, но Слободен печат во попладневните часови од соседи на детето дозна дека тоа воопшто не е така и дека никој не дошол на лице место, туку само телефонски ги контактирале, за да им кажат дека наредниот ден момчето ќе биде тестирано за Ковид 19 а дури после два дена однесено во мал групен дом во Демир Капија.

Прочитајте и...  Протести во Каталонија, суспендираниот каталонски лидер најави вонредни избори (ВИДЕО)

Меѓутоа, 48 часа се предолг временски период за дете со церебрална парализа да не биде хоспитализирано, да биде без терапија, инфузија, витамини и во влошена здравствена состојба за која Центарот за социјални работи Охрид покажа исклучителна неажурност.

Според информации кои ги добивме од соседите што живеат во куќата веднаш до онаа каде се наоѓало момчето, таму социјални работници дошле дури во текот на доцните попладневни часови, иако институцијата се наоѓа во непосредна близина на куќата.

Како што тврдат соседите, детето лежело на подот од собата, постојано офкало и било екстремно слабо. Но, и ова не ги алармирало социјалните служби да постапат итно, туку чекале да дојде и утрешниот ден и само по притисок на јавноста случајот е конечно разрешен.

Прочитај повеќе

Замениче, ви се брза на кафе во Приштина?

Следете ја во живо доцна ноќва првата претседателска дебата меѓу Трамп и Бајден

Слободен печат

Песков: Русија е подготвена со ЕУ да го разјасни „случајот Навални”

Маријана Митровска

Макрон жестоко се бори парламентот да не заседава само во Брисел

Слободен печат

Хрватска регистрираше 135 новозаразени со ковид-19

Слободен печат

Бес во Индија по смртта на тинејџерка која беше групно силувана

Остави Коментар

Прочитај повеќе

Нови санкции од Канада и Британија против Лукашенко

Слободен печат

Мицкоски слави роденден, соработниците го изненадија со торта (ФОТО)

Маријана Митровска

Србија 65 новозаболени од Ковид-19, еден починат

Слободен печат

Среде криза заминува медицински персонал- Главната сестра на Инфективна и две други си дадоа откази

Маријана Митровска

Рускиот историчар Дмитријев осуден на 13 години затвор поради сексуално злоставување на дете

Слободен печат

Нови рестрикции во Германија, на приватни собири до 25 лица

Маријана Митровска