Во ЈП Јасен на повеќе локации е извршена дива сеча на шума, а видео-снимки и фотографии покажуваат дека дрвјата се поставени на повеќе купчиња спремни за утовар, откри вечерашната епизода на емисијата „Код“ на Телма. Надлежните според одговорите што беа емитувани во емисијата, потврдиле дека дрвјата кои се во непосредна близина на патот се краделе во повеќе наврати. Локациите кои се пусти во резерватот, може да се видат само од воздух, со дрон, а од земја не се видливи.

Снимките се од локации за кои нема дозвола за сечење на дрва, а надлежните велат дека изминатите години на територија на стратешкиот објект и резерват Јасен има појава на дива сеча и дрвокрадци.