Од 21 јуни се регистрирани повеќе од 1.300 дополнителни смртни случаи поврзани со високите температури во Европа, објави генералниот директор на СЗО, Тедрос Аданом Гебрејесус, на социјалната мрежа Икс.

Тој истакна дека Европа е „континентот што се загрева најбрзо на Земјата“, затоплувајќи се двојно повеќе од глобалниот просек, со околу 150 милиони луѓе што моментално живеат под екстремна топлина.

-Стотици починаа, училиштата се затворени. Поради климатските промени и глобалното затоплување, феноменот на топлотен бран што се случува „еднаш во генерација“ сега се случува речиси секоја година. Бевме предупредени, рече тој.

Тедрос го опиша топлотниот стрес како „тивок убиец“, истакнувајќи дека европските домови, работни места и училишта не се дизајнирани да издржат толку високи температури.

Тој рече дека СЗО работи со земјите-членки и партнерите за зајакнување на подготвеноста, превенцијата и одговорите на здравствениот систем на екстремна топлина.

Топлотниот бран носи температури над 40 степени, метеоролозите прогнозираат до кога ќе трае