Претседателот на Русија Владимир Путин на конгресот на неговата владејачка партија „Единствена Русија“ одржан денеска, вети дека неговата влада може да ја обезбеди безбедноста во услови на чести украински напади. Тој го опиша сегашниот период како судбоносен за земјата, пренесува ТАСС.

Путин ги нарече руските војници кои се борат во војната против Украина „вистинска елита“ на Русија.

Несомнено ќе ги надминеме сите предизвици со кои се соочуваме денес. Да, ги гледаме проблемите, свесни сме за нив и реагираме на нив, но сигурно ќе ја обезбедиме безбедноста и на земјата и на нашите граѓани, како и неповредливоста на границите на Русија. Несомнено ќе ги надминеме сите предизвици со кои се соочуваме денес, вклучувајќи ги и терористичките напади врз нашата територија и инфраструктурните објекти рече Путин.

Изјавите на Путин доаѓаат во време кога Украина ги засили своите напади со беспилотни летала на долг дострел врз руските рафинерии за нафта, фабриките за оружје и логистичката инфраструктура.

Нападите се одговор на тековната руска инвазија на Украина, која започна во февруари 2022 година.

Претседателот на Украина Володимир Зеленски, во објава на социјалната мрежа „Икс“ денеска соопшти дека украинските сили извршиле нови напади врз две рафинерии за нафта во Русија. Нападите се случуваат во време кога Украина го слави Денот на Уставот.

Our warriors began Ukraine’s Constitution Day with great accuracy. Last night, our long-range sanctions reached two oil refineries in Russia. The Slavyansk oil refinery in the Krasnodar region was hit – about 300 kilometers from the frontline. We also reached a refinery in the… pic.twitter.com/MiKOSjszFF

— Volodymyr Zelenskyy / Володимир Зеленський (@ZelenskyyUa) June 28, 2026