Бројот на загинати во разорните земјотреси што ја погодија Венецуела се искачи на 1.430, додека спасувачките екипи и понатаму трагаат по преживеани под урнатините. Земјата во средата беше погодена од два силни земјотреси со јачина од 7,2 и 7,5 степени. Повредени се повеќе од 4.000 луѓе, а илјадници останаа без покрив над глава, јавија локалните медиуми.

Според официјалните податоци, оштетени се најмалку 383 згради, 13 болници, 25 трговски центри и повеќе од 1.000 други објекти. Десетици илјади луѓе и натаму се водат како исчезнати, што предизвикува стравување дека бројот на жртви дополнително ќе расте.

Во спасувачките операции се вклучени тимови од повеќе земји, меѓу кои и специјализирани екипи од државите на Европската Унија. Спасувачите работат непрекинато во најтешко погодените подрачја во обид да пронајдат преживеани и да им помогнат на погодените од катастрофата.

Во Венецуела пристигнаа 1.600 спасувачи од странство за да помогнат во потрагата по преживеани