Украински параолимпиец освои бронза само еден ден откако неговата куќа беше уништена
Украинскиот скијач Дмитро Сујарко имаше успешен настап на Параолимписките игри во Пекинг – ѝ донесе на својата земја два бронзени медали во параолимписки биатлон (еден од шест и еден на 10 километри) во конкуренција за натпреварувачи со оштетен вид.
Само ден пред да ги оствари своите одлични резултати, во руската агресија врз Украина уништена е куќата (во Чернигов) на овој спортист.
Во изјава за „USA Today“, Сујарко изјави дека неговите емоции се измешани.
– Среќен сум, но ја знаете ситуацијата во Украина. Потребна е многу тешка концентрација во биатлонот и промашив два пати бидејќи вчера мојата куќа во која живеам беше бомбардирана и уништена. Не можам да се радувам, само сакам мир во мојата земја – рече Сујарко.
Украина моментно е трета на листата на земји кои освоиле медали на Параолимпијадата во Пекинг – имаат вкупно 19 медали, од кои шест златни, а подобри од нив се само Кина и Канада.