„Твитер“ интензивно работи на тоа да воведе реакции со емотикони на твитови, слично како оние на „Фејсбук“. Покрај вообичаената опција „лајк“, сега ќе има и реакции за „cheer“, „haha“ и „sad“, а за разлика од „Фејсбук“, „Твитер“ нема да воведе реакција за лутење.

Реакциите на емотиконите во моментот се во фаза на развој. Реакциите на објавите се исто така достапни на други платформи за социјални медиуми како „ЛинкдИн“.

Реакциите на „емоџи“ ги забележа експертот за обратно инженерство, Џејн Манчун Вонг, кој објави „принткрин“ на „Твитер“.

Twitter is working on Tweet Reactions view:

“Likes”, “Cheer”, “Hmm”, “Sad”, “Haha”

The icons for the Cheer and Sad reactions are WIP and shown as the generic heart one at the moment https://t.co/ZCBhH8z7JR pic.twitter.com/dGqq1CzIis

— Jane Manchun Wong (@wongmjane) May 28, 2021

Емотиконите изгледаат слично како на „Фејсбук“, особено оние за „haha“ и „sad“, но покрај нив „Твитер“ исто така се очекува да вклучи и реакции за размислување „hmm“ и бодрење „cheer“.

Инаку, Твитер, платформата неодамна престана да прифаќа нови апликации за потврда на сметката. Твитер ја суспендираше услугата уште во 2017 година, но повторно ја пушти во употреба на 20 мај годинава.

„Твитер“, исто така, наводно тестира бета фаза на нова група фонтови, наречена „Chirp“. Тоа за прв пат беше објавено во јануари 2021 година и, според корисниците, „Твитер“ веќе започнал да го шири фонтот до своите веб-корисници.