Американскиот претседател Доналд Трамп се претстави како главен преговарач во мировниот план меѓу Украина и Русија. Трамп за „Политико“ изјави дека украинскиот претседател Володимир Зеленски „нема ништо“ додека тој не го одобри предложениот план.

Се очекува Зеленски да се сретне со Трамп во Флорида в недела, носејќи нов мировен план составен од 20 точки. Планот предвидува демилитаризирана зона и вклучува безбедносни гаранции од САД. Сепак, според „Политико“, Трамп не брза да го поддржи предлогот на Зеленски и се однесувал воздржано кон неговите иницијативи.

Зеленски објави за што ќе разговара со Трамп

„Тој нема ништо додека не одобрам. Па ќе видиме што ќе се случи“, изјавил Трамп, нагласувајќи ја својата централна улога во процесот.

Коментарите на американскиот претседател покажуваат дека судбината на Украина зависи од неговата поддршка и отстапки, при што Трамп повремено покажувал наклонетост кон Русија ако тоа би значело крај на војната.

Зеленски најави средба со Трамп: Многу работи можат да се одлучат пред Нова година

Русија сè уште не го променила својот став и не реагирала на најновиот предлог. Во меѓувреме, САД го притискаат Зеленски да направи отстапки од своите првични барања, а Трамп, според „Политико“, понекогаш изгледал нетрпелив во преговорите.

Трамп сепак изразил оптимизам за претстојниот состанок со Зеленски. „

Мислам дека сè ќе биде во ред со него. Мислам дека сè ќе биде во ред со Путин“, изјавил тој, додавајќи дека очекува наскоро да разговара и со рускиот лидер.

Овие коментари следат еден ден по разговорот на Зеленски со специјалниот претставник Стив Виткоф и зетот на Трамп, Џаред Кушнер, кој Зеленски го оцени како „добар“.

Зеленски разговараше со луѓето на Трамп: Се појавија нови идеи за крај на војната