Украинскиот претседател Володимир Зеленски ќе разговара за територијалните прашања, кои се главна пречка во мировните преговори, со својот американски колега Доналд Трамп в недела во Флорида, додека мировниот план од 20 точки и договорот за гаранција за безбедност се приближуваат кон финализирање, пренесува АП.

Објавувајќи го договорот, Зеленски рече дека „многу работи можат да се одлучат пред Нова Година“, додека Вашингтон продолжува со напорите да ја прекине руската инвазија на Украина, најсмртоносниот конфликт во Европа по Втората светска војна.

Зеленски најави средба со Трамп: Многу работи можат да се одлучат пред Нова година

„Што се однесува до чувствителните прашања: ќе разговараме за Донбас и нуклеарната централа Запорожје. Секако ќе разговараме и за други прашања“, изјави тој.

Русија сака Украина да се повлече од делови од источниот регион Донецк, кои нејзините сили не успеаја да ги освојат во текот на речиси четиригодишната војна. Москва бара целосна контрола врз регионот Донбас, кој се граничи со регионите Донецк и Луганск. Од друга страна, Киев сака борбите да престанат, замрзнувајќи ја моменталната ситуација на фронтот.

Соединетите Американски Држави, кои се обидуваат да најдат компромис, предложија формирање слободна економска зона на територијата што Украина на крајот би ја напуштила. Сè уште не е јасно како таа зона би функционирала во пракса.

Зеленски разговараше со луѓето на Трамп: Се појавија нови идеи за крај на војната