Бојан Трајковски беше едeн од најдобрите начи кошаркари на натпреварот со Естонија, постигна 21 поен, а имаше и шест скокови, но за жал Македонија не ја оствари целта и не обезбеди пласман на Евробаскет.

– Жал ми е, и разочаран сум од тоа, пред сè најмногу што овие млади момци во нашиот тим нема да играат на Европското првенство догодина. И на претходните дуели покажавме дека можеме да играме со големите репрезентации, но тоа не беше доволно за да се пласираме на Евробаскетот.

Се надевам, и убеден сум дека во некои наредни квалификации ќе стигнеме до она што не успеавме да го реализираме овде. А јас ќе бидам со нациналниот тим се додека ме држат нозете, односно додека играм кошарка. Се со една цел, да им бидам од помош на овие момци кои се тука со нас, и на кои е иднината на нашата кошарка. Секогаш ќе му бидам на располагањње на нашиот национален тим, се додека играм кошарка- изјави Трајковски.