Мерцедес има речиси совршен почеток на новата сезона во Формула 1, победувајќи во првите три трки, вклучувајќи две еден-два победи во Австралија, односно во Кина.

Предноста што ја има Мерцедес во однос на остатокот од тимовите е значителна, при што Кими Антонели е во водство во шампионатот на возачи, пред својот искусен колега Џорџ Расел.

Ова наликува ерата кога Луис Хамилтон и Нико Розберг, обајцата возејќи за Мерцедес, се бореа за титулата помеѓу 2014 и 2016 година.

Волф ја потврди својата верба дека ниеден возач не е поголем од тимот, иако слободата за натпреварување останува клучна.

– Тимот е секогаш поголем од возачите. Ние сме Мерцедес, еден од најсилните брендови во светот, најдобриот бренд на автомобили во светот. Се тркаме за 150.000 луѓе кои работат за нас. Компанија која постои повеќе од 120 години. Можноста да возите и да бидете еден од ретките избрани тркачи на Мерцедес, исто така доаѓа со одговорност за возење за Мерцедес – вели Волф.

Во предупредувачка изјава за двајцата свои возачи, Волф јасно го искажа својот став за последиците кои следуваат за слично однесување како она на Хамилтон и Розберг.

YOUNGEST CHAMPIONSHIP LEADER IN F1 HISTORY!

✨ Kimi Antonelli ✨#F1 #JapaneseGP pic.twitter.com/6jTtxZMaio

— Formula 1 (@F1) March 29, 2026

– И во моментот кога возачот ќе почувствува дека се се врти околу него, тоа не е начинот на размислување што ние би го дозволиле, да го прифатиме во тимот. Јас би претпочитал да вози само еден автомобил, одошто да имаме таква ситуација – вели Волф.

Расел е уверен дека ќе остане во Мерцедес и следната сезона