Топло и сочно: Ролат-пита со спанаќ и сирење
Доколку ви здодеаjа класичните рецепти за пити, ви предлагаме нешто поинакво. Зошто да не направите комбинација од пита и ролат со спанаќ и сирење. По желба додадете шунка, пченка и уште нешто сувомеснато, и ќе добиете сочно јадење. Пробајте и уживајте!
Состојки:
– тенки кори
– 7 брикети замрзнат спанаќ
– 200 гр сирење
– 2 јајца
– 1 лажица кисела павлака
– 200 гр сувомеснато на парчиња
За прелив:
– 100 мл јогурт
– 1 јајце
– 50 мл маслиново масло
– 1/2 прашок за пециво
Подготовка:
Издробете го сирењето, додадете ги двете јајца, павлаката и спанаќот па сѐ изедначете. Во друг сад сипете јогурт, додадете јајце, масло и прашок за пециво и изедначете ја смесата. Првата кора премачкајте ја со 2-3 лажици прелив, над неа втората кора, па третата кора. На дното на кората наредете ги листовите од сувомеснатото, а преку нив сирењето и спанаќот. Свиткајте ги рабовите и завиткајте во ролат и редете во плех обложен со хартија за печење. Остатокот од преливот прелијте го врз ролатите. Се сече на пократки ролати. Печете на 200 степени околу 50 минути.