Организаторот на хуманитарните турнири „Адриа Тур“, Новак Ѓоковиќ, денеска веднаш по пристигнувањето во Белград се тестирал на ковид-19, и „Слободен печат“ од свои извори во главниот град на Србија, дознава дека сите тестови се негативни.

Турнирот во Задар вчера беше експресно прекинат откако Григор Димитров објави дека е позитивен на ковид-19, а тестирањата на останатите учесници и членови на организацијата покажаа дека позитивни се и хрватскиот тенисер Борна Чориќ и , кондицискиот тренер на Ѓоковиќ и уште едно лице.

Ѓоковиќ не се тестираше вчера туку тоа го сторил денеска веднаш по пристигнувањето во Белград и неофицијално првите тестови се негативни.

Според неофицијалните извори на „Слободен Печат“, Ѓоковиќ, неговата сопруга Јелена како и останатиот тим кој беше со него во Задар, братот Ѓорѓе, вујкото Горан, Миљан и тренерот Иванишевиќ се негативни на ковид-19.

Исто така негативни на ковид-19 се и Александер Зверев кој учествуваше на двата турнири, во Белград и Задар како и Марин Чилиќ.