Дете, на 15-годишна возраст, загинало рано утринава во сообраќајна несреќа, откако автомобил се превртел на планината Голија во Србија, објави „Данас“.

Според неофицијални информации, малолетникот излетал од возилото кое се превртело.

Во моментот на несреќата во автомобилот имало уште три луѓе, од кои еден се здобил со тешки повреди.

Причината за несреќата сè уште не е позната. Во неа учествувало само возилото во кое се наоѓал загинатиот малолетник, кој потекнувал од Нови Пазар.

Полицијата и пожарникарите-спасувачи сè уште се на терен. Увидот е во тек.

Поради трагичниот настан, се откажала традиционалната манифестација „Од Голија оро се вие“, која се одржува секоја година со цел да се промовира културно наследство и обичаите на Голија и овој дел од Србија.

Пар од Србија и нивното двегодишно дете се повредени во вчерашната несреќа кај скопскиот аеродром — МВР со детали