Уште едно бебе во боди со дупки на ГАК
Читателка на „Слободен печат“ поттикната од вчерашната сторија за облеката со дупки за новороденчиња во Клиниката за гинекологија и акушерство, ни испрати нова фотографија од друго оштетено боди во кое ѝ го дале новороденчето на ГАК кога се породила на 27 мај годинава. На бодито се видливи повеќе дупки, најверојатно од безопасната која повеќекратно била користена на истата облека.
Препорачано
– Ова е од 27 мај годинава, слично искуство како во објавата што ја напишавте – ни кажа таа и ни дозволи да ја објавиме оваа фотограифја што самата ја направила во болница.
Во меѓувреме, болницата според јавно достапните документи на Електронскиот систем за јавни набавки, склучила тендер за набавка на бебешка облека и ноќници за родилки уште во септември 2025 година. Затоа до ГАК го поставивме прашањето каде е облеката, колкави количини од тендерот повлекле, и доколку се работи за парчиња облека од тој тендер, тогаш како толку брзо се оштетиле? Информациите од договорите за јавна набавка погледнете ги во продолжение.
