Теренска вакцинација на старите и изнемоштени жители од населеното место Раштак

Теренска вакцинација фото МИА

Општина Гази Баба, по барање на жителите, заедно со Здравствен Дом Скопје – пункт за мобилна вакцинација, спроведе теренска вакцинација во населеното место Раштак за старите и изнемоштени лица, при што вкупно аплицирани се 30 вакцини, прва доза, од производителот СИНОВАК.

Вакцинацијата била во мобилниот пункт поставен во просторијата на месната заедница Раштак, како и теренска вакцинација во домовите на стари лица, кој имаат отежнато движење.

-Покрај пријавените постари лица, на пунктот за вакцинација, денес се пријавија и помлади жители, кој исто така имаа можност за вакцинација на овој пункт. Систем на мобилни пунктови за вакцинација дава голем ефект кај граѓаните. Општина Гази Баба е отворена да продолжи и во иднина со ваков вид на мобилни пунктови во населените места каде има интерес од граѓаните, информираат од Општина Гази Баба.

Извор: МИА

Видео на денот