Алжирскиот тенисер Ајмен Иклеф беше суспендиран доживотно во понеделникот поради местење натпревари.

Одборот за интегритет во тенисот со седиште во Лондон соопшти дека Алжирецот десетпати го прекршил тенискиот Кодекс против корупција, вклучувајќи и четири случаи на местење натпревари. Тој беше казнет и со 100.000 американски долари.

Иклеф дури трипати пропуштил да пријави дека бил контактиран од надлежните во врска со корупција.

Во два наврати, тој бараше од другите играчи „да не даваат сè од себе“ и не соработуваше во истрагата.

Неговиот најдобар пласман во сингл конкуренцијата на АТП-листата е 1.739. место.