Дамјан Трајковски освои златен јуниорски медал на „Г1 Турнир“ во Словенија со три победи. Мила Релиќ се закити со бронзен јуниорски медал на „Г2 Турнир“ президент Куп во Шведска со две победи и еден пораз.

Како што информираат од таеквондо клубот „Тигри“ – Скопје, Релиќ оствари победа против Грција (9:1) и над домаќинот Шведска (12:6).

Во полуфиналето силите ги одмери со светската вице-шампионка, репрезентативката на Америка, Алена Вијана и загуби со 1:5.

Македонската таеквондо федерација им ги честита меѓународните успеси на нашите репрезентативци.

– Млади надежни репрезентативци кои допрва ќе постигнуваат големи успеси, има иднина сениорското олимписко таеквондо во Македонија – велат од таеквондо федерацијата.