Генералниот директор на СЗО, Тедрос Адханом Гебрејесус,  денеска рече дека пандимијата од коронавирус не е ни блиску до крајот и нема скоро да заврши.

„Ова не е ни блиску до крајот“, рече тој на прес конференција за медиумите во Женева.

„Иако бројни земји напредуваа ширум светот, пандемијата всушност се шири се побрзо. Сите сме заедно во ова и на долги патеки. Веќе изгубиве многу, но не смееме да губиме надеж“, рече тој.

Тедрос рече и дека денеска се навршуваат, шест месеци откако СЗО ги прими првите информации за воспалението на белите дробови кое дошло од непознати причини. Подоцна се покажало дека се работи за коронавирус.

Рече и дека сме во момент кога треба да размислиме за напредокот кој го постигнавме и лекциите кои ги научивме дека треба да се посветиме на тоа да направиме се да ги спасиме животите.

„Пред шест месеци никој не можеше ниту да замисли дека светот и животот ќе ни изгледа вака“, заклучи тој.