Светски куп: Микаела Шифрин е новата „снежна кралица“
На две трки пред крајот, Микаела Шифрин го освои Големиот кристален глобус на Светскиот куп за оваа сезона.
Американската скијачка на супер велеслаломската трка во Кушревел дојде до второто место, но тоа беше доволно да го обезбеди врвот во генералниот пласман.
На првата позиција се најде норвешката натпреварувачка Рагнил Мовинкел со резултат 01:13.68 мин.
Шифрин ја помина целта со пет стотинки заостанување, а на подиумот се најде и Мишел Гисин (01:13.81).
На табелата Шифрин собра 1,425 бодови, следува Петра Влхова од Словачка (1,189), а третопласирана е Италијанката Федерика Брињоне (955).
BREAKING: Mikaela Shiffrin wins skiing’s overall World Cup title for the fourth time.https://t.co/Zf977BDYX9
— AP Sports (@AP_Sports) March 17, 2022