„Супер макс“ плата: Еден потпис го дели Јокиќ од најголемиот договор во историјата на кошарката!
Никола Јокиќ е и официјално најкорисниот играч во НБА лигата, а на чекор е и да стане најплатениот во историјата на кошарката.
Српскиот кошаркар „супер макс“ договор со Денвер доколку постои желба кај него да остане во Колорадо, а според американските медиуми следното лето би можел да го потпише најголемиот договор во историјата на НБА.
Јокиќ има опција да потпише „супер макс“ договор, што е инаку максимален договор во НБА од пет години и според кој неговата плата од година во година ќе расте на вкупно 241 милион долари!
Јокиќ моментално е обврзан со Денвер до 2023 година и на негово име ќе заработи точно 151.051.929 долари.
Како и да е, од сезоната 2023/24, доколку тој потпише нов договор, се разбира, на неговата сметка ќе започне неверојатен раст. Сето ова е направено според пресметката дека „селери кап“ изнесува 121,5 милиони долари годишно.
The Nikola Jokic super max extension in 2022 is projected to be the largest contract in NBA history.
*2023-24: $42.6M
2024-25: $44.9M
2025-26: $48.2M
2026-27: $51.5M
2027-28: $54.8MTotal of $241M
*Based on a salary cap of $121.5M
— Bobby Marks (@BobbyMarks42) June 8, 2021
Колку за објаснување, се аплицира договор за „супер макс“ доколку играчот е во лигата најмалку осум години, игра цело време во тимот кој го драфтувал, член е на идеалната петорка (било која од трите) во последните две сезони или доколку тој е победник индивидуални награди како најдобар дефанзивец или МВП. Значи – Јокиќ!
ФОТО: Тренерот на Јокиќ е хит со маичката: Слаб, спор, не скока, но си „игра“ со вас
Доколку го потпише договорот, Јокиќ со тоа би го надминал грчкиот претставник Јанис Адетокумпо, кој според „супер макс“ договорот за пет години ќе заработи 228.200.000 долари.