СП 2022 | Група А: Холандија и Еквадор за осминафинале, Катар и Сенегал за надеж
Холандија и Еквадор славеа на стартот од групата „А“ и денеска од 17.00 часот на стадионот „Калифа Интернешнл“ двете селекции ќе имаат можност со нови три бода да обезбедат пласман во осминафиналето на Светското првенство во Катар.
Можеби на хартија „лалињата“ се фаворити, но Еквадорците се стабилна, цврста репрезентација која нема примено гол во последните 704 минути. Последниот гол го примија на 29 март годинава од Аргентина.
Добрата вест за Еквадорците е што Енер Валенсија, стрелецот на два гола на отворањето на Мундијалот против Катар, ќе биде подготвен за дуелот, а Холанѓаните ќе го имаат на располагање Мемфис Депај, напаѓачот на Барселона повеќе од 30 минути.
Brace yourselves, we could confirm our first team in the knockouts today! 💯🙌#FIFAWorldCup | #Qatar2022
— FIFA World Cup (@FIFAWorldCup) November 25, 2022
Претходно Катар и Сенегал од 14.00 часот ќе играат за останување во трката за една од првите две позиции кои водат во следната фаза на Мундијалот.
Домаќините сигурно ќе сакаат да го подобрат впечатокот од првиот меч, на кој играчите потпаднаа под впечаток на атмосферата и не успеаја да ја надминат нервозата. Сенегал е фаворит, ќе мора да биде поефикасен доколку сака да дојде до три бода и да ја реши судбината против Еквадор.
Група А, второ коло
Денеска, двојки –
Катар – Сенегал 14.00 часот
Холандија – Еквадор 17.00 часот