Составот на Македонија за денешниот прв меч против Франција на ЕП 2024
Од 18.00 часот со натпреварот меѓу Македонија и Франција на „Меркур Шпил Арена“ во Диселдорф, ќе стартува Европското ракометно првенство во Германија кое ќе се одржи од 10 до 28 јануари 2024 година.
Нашите најдобри ракометари се во групата „А“ во која настапуваат и репрезентациите на Германија и Швајцарија.
Познат е составот со кој ќе игра Македонија против еден од фаворитите, не само во нашата група, туку и за освојување на еден од медалите на ЕП.
За денешниот меч против Французите во составот на Кирил Лазаров нема да бидат Марко Кизиќ и Игор Ѓоргиев.
Составот на Македонија за натпреварот против Франција: Никола Митревски, Мартин Томовски, Едвин Омерагиќ, Мартин Велковски, Марко Митев, Филип Талески, Никола Маркоски, Филип Кузмановски, Ненад Костески, Никола Костески, Жарко Пешевски, Томислав Јагуриновски, Милан Лазаревски, Иван Џонов, Петар Атанасијевиќ, Давид Савревски.