Собранието денес го донесе Буџетот за 2026 година. Поддршка дадоа 71 пратеник, 14 беа против, а воздржани немаше.

Буџетот на расходната страна тежи 6,7 милијарди евра, а на приходната 6 милијарди. Тој се темели на проектиран растот на БДП од 3,8 проценти, планираната просечна инфлација е 2,5 проценти, а буџетски дефицит е 3,5 проценти од планираниот БДП.

Димитриеска-Кочоска: Водевме сметка за навремена исплата на сите обврски

За пратениците од власта станува збор за развоен буџет, со инфраструктурни проекти, со поддршка за бизнисот, ги штити пензионерите со зголемување на пензиите и носи раст на платите.

-Буџетот не е само бројки, туку реални проекти кои ќе им донесат подобар живот на граѓаните – се вообичаените зборови што ги употребија пратениците од власта.

Според опозицијата, Буџетот содржи нереални проекции и служи само за добивање на политички поени. Опозицијата посочи дека за првпат доцни исплатата на социјалната помош, туѓата нега, исплатата на МојДДВ, а стагнираат и платите, иако власта се фали со раст на БДП во третиот квартал.

-Имаме најниска минимална и просечна плата во регионот – е често употребуваната реченица од опозицијата.

Во тек на расправата за буџетот во матичната Комисија за финансирање и буџет од околу 200 амандмани беа прифатени шест.

За Буџетот за 2026 година расправа собраниската комисија: Ќе добиеме ли за првпат конзервативна каса, пореално испланирана?