Српската полиција, во рамки на меѓународната операција „Пајтон“, уапси шест лица осомничени за сексуална експлоатација на деца преку интернет и поседување материјали со детска порнографија. Меѓу уапсените еден е руски државјанин, пренесе српски „Блиц“.

Тие се товарат за кривично дело – прикажување, набавување и поседување порнографски материјал и експлоатација на малолетно лице за порнографија согласно член 185 од Кривичниот законик на Република Србија.

Уапсените подолг временски период преземале, складирале и споделувале содржина создадена со експлоатација на деца за порнографски цели преку интернет. При претресот на становите на сите лица, пронајдени се фотографии и видео снимки, создадени со сексуална експлоатација на деца од 6 до 14 години, со преглед на компјутери и компјутерска опрема.

Битолчани со лажен профил на 14-годишно девојче мамеле мажи, па ги снимале, малтретирале и терале да кажат дека се „педофили“

Осомничените регистрирале лажни профили преку социјалните мрежи и апликации, претставувајќи се како девојчиња на возраст од 11 и 12 години, со цел потоа да стапат во контакт со жртвите и да добијат од нив фотографии и видео материјали со сексуална содржина.

Акцијата била спроведена во продолжение на операцијата „Армагедон“, во координација со Европол, а во неа учествувале припадници на Службата за борба против високотехнолошки криминал во соработка со полициски управи во Белград, Нови Сад, Зрењанин, Ниш, Смедерево и Бор.

ВИДЕО | Операција „Армагедон“ во Србија: полицијата уапси група педофили, споделувале видеа со деца од четири години