Секс-трговија и злоупотреба на малолетнички: Ар Кели прогласен за виновен
Американскиот ар-ен-би музичар Ар Кели е прогласен за виновен за изнудување, секс-трговија и злоупотреба на малолетнички.
Неколкумина кои го тужеа пејачот, за време на судењето детално сведочеа за тоа како тој ги подложил на изопачени и садистички каприци кога тие биле малолетни лица.
Пејачот, инаку, со години ја избегнуваше кривичната одговорност за бројните наводи за недолично однесување кон младите девојки и деца.
View this post on Instagram
Поротата составена од седум мажи и пет жени, како што јавуваат западни медиуми, го прогласи Ар Кели за виновен по два дена разгледување на случајот. Музичарот треба да биде осуден на 4 мај, а му се заканува неколку децениска казна.
View this post on Instagram
Обвиненијата беа засновани на аргументи дека менаџерите и помошниците му помогнале на пејачот „да ги запознае девојките и да ги држи послушни и тивки“, што се претворило во криминално дејствие.
View this post on Instagram
Ар Кели е обвинет за искористување на славата и богатството за да ги намами жртвите. Тој им ветил дека ќе им помогне во нивната музичка кариера. Неколку жртви сведочеа дека биле малолетници кога станале жртви на сексуална злоупотреба.