Возач од Скопје вчера во селото Батинци се судрил со автомобил на Министерството за внатрешни работи, по што алкотестот покажал дека возел со 0,91 промил алкохол во крвта, соопшти МВР. Повредени се возачот и двајца негови сопатници.

„На 11.03.2026 околу 21:05 часот во СВР Скопје е пријавено дека во с.Батинци, скопско, се случила сообраќајна несреќа помеѓу патничко возило „форд“ со скопски регистарски ознаки, управувано од А.Н.(41) од Скопје и патничко возило „шкода“, сопственост на МВР, а управувано од И.М.(34) од Скопје. Во несреќата со телесни повреди се здобиле возачот на возилото „шкода“ и двајца негови сопатници од Скопје, констатирани во Комплексот клиники „Мајка Тереза“ во Скопје. Извршен е увид од увидна екипа на СВР Скопје, по што кај возачот А.Н. се измерени 0,91 промили алкохол во крвта и по насока од јавен обвинител тој е приведен во полициска станица“, информира МВР.

Насилник од Скопје зел двајца помошници за да ја тепа бившата девојка во Велес, со електрошок му се нафрлиле на нејзиното ново момче