Што да јадете на 30 степени? При топлотен бран, само две намирници го ладат телото
Кога надворешната температурата ќе надмине 30 степени Целзиусови, а вие се прашувате: „Што да јадам денес?“, добро е да земате намирници што не бараат готвење, а му помагаат на организмот во текот на топлите денови.
Препорачано
Експертите нагласуваат – во лето особено треба да ги ограничиме слатките грицки и високо преработените производи. Зошто? Шеќерот не само што ја зголемува дехидрацијата, туку и варењето го прави вистински предизвик за човечкото тело, што доведува до прекумерно производство на топлина и неповолни скокови во нивоата на гликозата во крвта.
Суперхрана за горештините
Па, како да составите летни оброци?
Тренерот Стив Бенет советува да се избере намирници што го стабилизираат нивото на шеќер и му помагаат на организмот да се бори против топлината. Листата на „задолжителни“ намирници вклучува, пред сè, авокадо и јаткасти плодови (бадеми, ореви, лешници), пренесува британски „Мирор“.
Авокадото, богато со здрави масти и влакна, ефикасно ја забавува апсорпцијата на шеќерот од храната.
„Додавањето влакна, протеини и здрави масти, како што се авокадо или маслиново масло, во секој оброк помага во одржувањето на стабилни нивоа на гликоза“, објаснува Бенет.
Од друга страна, јаткастите плодови, благодарение на нивните растителни протеини и добрата содржина на масти, го ублажуваат влијанието на јаглехидратите и помагаат да се избегнат ненадејни скокови на шеќерот во крвта, особено кога се консумираат пред или за време на оброците.
Едноставен рецепт за здравје
Како да ги користите овие состојки во вашето дневно мени?
Освежителна салата со авокадо, јаткасти плодови, млада зелена салата и малку маслиново или ореово масло е предлог кој не само што лади, туку и заситува и стабилизира нивото на шеќер. Јаткастите плодови се одлични и како брза попладневна ужина, без ризик од ненадејни скокови на гликоза.
Два клучни совети за летото
Стив Бенет нè потсетува и на две едноставни правила кои ќе помогнат во одржувањето на гликемиската рамнотежа:
Избегнувајте слатки навечер – телото тогаш е помалку чувствително на инсулин, а ноќните скокови на гликоза го расипуваат квалитетот на сонот и регенерацијата.
Кратка, десетминутна прошетка по оброкот може да ги намали скоковите на гликоза до 30 проценти, а вреди да се изберат постудени делови од денот, рано наутро или доцна навечер, за активноста.
Кога е пеколно жешко, лекарите ги избегнуваат овие 8 секојдневни навики
Сончаница или топлотен удар — еве како да ги препознаете опасните состојби
