Денеска двете македонски екипи ќе ги играат реванш натпреварите од второто квалификациско коло во новоформираното УЕФА натпреварување, Конференциската лига.

Шкендија која веќе три натпревари (три порази на европската сцена ова лето) не знае за гол, на Националната Арена „Тодор Проески“ – Скопје брка негатива од првиот меч во Летонија во кој Рига славеше со 2:0.

Тренерот на тетовските „црвено-црни“, Ернест Ѓока е свесен дека головите недостасуваат и нив мора да ги има на возвратната пресметка доколку сакаат пласман во следната трета квалификациска рунда.

Дуелот ќе започне од 20.00 часот и на истиот судиска правда ќе дели Ф. Мареска од Италија.

Шкупи се наоѓа во многу незгодна позиција поради високиот пораз од 3:0 во нашиот главен град од Санта Клара.

Играчите на тренерот Гоце Седлоски ќе имаат тешка задача во Португалија во обидот да ја анулираат негативата.

Мечот ќе се игра од 22.00 часот, а главен судија ќе биде Ирецот Р. Хенеси.