Ден откако во четвртокот во Нион се одигра последното, шесто коло од Конференциската лига, беа извлечени паровите од нокаут рундата, во која клубовите кои се пласираа меѓу деветтото и 24 место ќе се борат за влез во осминафиналето каде ги очекуваат осумте првопласирани екипи.

Челси, Виторија Гимараеш, Фиорентина, Рапид Виена, Ѓургарден, Лугано, Легија и Серкл Бриж се клубовите од првите осум места во групната фаза на Конференциската лига и директно влегоа во осминафиналето.

Следните осум по ред, Јагелонија, Шамрок Роверс, АПОЕЛ, Пафос, Панатинаикос, Олимпија, Бетис и Хајденхајм беа носители на ждрепката и во зависност од пласманот добија можност да го извлечат противникот поставен на спротивната страна.

Борац Бања Лука од Босна и Херцеговина на македонските фудбалери Дамјан Шишковски и Бобан Николов за противник го добија тимот на Олимпија Љубљана од Словенија. Полската Јагелонија на Дарко Чурлинов ќе се сретне против ТСЦ од Србија. Натпреварите ќе се играат на 13 и 20 февруари 2025 година.

The UEFA Conference League play-off draw is in the books. ✅

Ties are scheduled to be played on February 13 and 20. ?️#UECLdraw pic.twitter.com/rFY9w6LLOt

— Flashscore.com (@Flashscorecom) December 20, 2024